Гулат гули лимонӣ,
Бача зеби майдонӣ,
Ба шарте гул медиҳам,
Қадри гулам бидонӣ.
**
Гулат гули сияҳгӯш,
Биё гулатро фурӯш.
**
Гулат гули чакагӣ,
Бачча накун каттагӣ.
**
Гулат гули атласӣ,
Ба орзуҳот бирасӣ.
** 
Гулат гули береша,
Бачаи беандеша,
Гулро ту бар ман додӣ,
Ҷанҷол хезад ҳамеша.
**
Гулат гули пахта,
Худо бидиҳат бахта.
**
Гулатон дона –дона,
Нигоҳтон ошиқона.
Гулат гули ману ту,
Очам хушдомани ту. 
**
Гулатон мисли рӯятон,
Хизмат кунам дар тӯяатон.
**
Гуле ба мисли рӯят,
Тӯҳфа кунам ба тӯят.
**
Гулат гулест аз арча,
Ман ошиқат эй Бача.
**
Гулат гули ангурӣ,
Ман дойраву ту танбурӣ.
** 
Гулат гули марминҷон,
Хушбахт боши апаҷон.
 **
Гулат гули мулоим,
Бахтат диҳад Илоҳим.
 **
Гулат гули лигустр,
Ман духтари министр.
**
Гулат гули марворӣ,
Дандонакот тиллоӣ.
Агар маъқулат бошам,
Ба хонамон биёӣ.
 **
 Гулат гули осмонӣ,
Худат ранги,меҳмонӣ.
Гулат гули лӯбиё,
Хезу бидав сӯи мо.
** 
Гулат гули тапак,
Даст бидеҳ хапак.
** 
Гулат гули сӯзанак,
Гапи ту гапи занак.
 ** 
Гулат гули гулобӣ,
Садқат шавам Варзобӣ.
**  
Гулат гули нофармон,
Худат ҳастӣ паҳлавон.
 ** 
Гулат гули қаймоқӣ,
Худат мисли қишлоқӣ.
**  
Гулат гули хонагӣ,
Гушворҳоят донагӣ.
 ** 
Гулат гули палас,
Ба дигар гул нарас.
**  
Гулат гули тортанак,
Дод аз дасти ин фалак.
**  
Гулат гули лӯбиё,
Гапат мисли мӯмиё.
** 
Гулат  гули ҷуворӣ,
Дар дасти рост чӣ дорӣ?
Дар  дасти рост рӯймолча,
Ту бачаи балоча.Манбаъ: http://tabrikot.tj/